kahan the rat ko hamse zara nigah mile

Category: Uncategorized
kahan the rat ko hamse zara nigah mile 
talash main ho k jhutha koi gavah mile 
ye hai maze ki larai, ye hai maze ka milap 
ki tujhse ankh lari ??????????????????????? 
tera gurur samaya hai is qadar dil main 
nigah bhi na milaun to badashah mile 
masal-sal ye hai k milane se kaun milta hai 
milo to ankh mile, mile to nigah mile

kabe ki hai havas kabhi ku-e-butan ki hai

Category: Uncategorized
kabe ki hai havas kabhi ku-e-butan ki hai 
mujh ko khabar nahin meri mitti kahan ki hai 
kuch tazgi ho lazzat-e-azar k liye 
har dam mujhe talash naye asman ki hai 
hasrat baras rahi hai mere mazar se 
kahte hain sab ye qabr kisi naujavan ki hai 
qasid ki guftagu se tasalli ho kis tarah 
chipti nahin vo jo teri zaban ki hai 
sun kar mera fasana-e-gam us ne ye kaha 
ho jaye jhut sach, yahi khubi bayan ki hai 
kyun kar na ae khuld se adam zamin par 
mauzun vahin vo khub hai, jo shay jahan ki hai 
urdu hai jiska nam hamin jante hain Dag
hindustan main dhum hamari zaban ki hai

mere qabu main na pehron dil-e-nashad aya

Category: Uncategorized
mere qabu main na pehron dil-e-nashad aya 
vo mera bhulne vala jo mujhe yad aya 
dil-e-viran se raqibon ne muraden pain
kam kis kis k mera khirman-e-barbad aya
lijiye suniye ab afasana-e-furqat mujh se 
ap ne yad dilaya to mujhe yad aya 
di muazzin ne azan vasl ki shab pichle pahar
haye kambakht ko kis vaqt Khuda yad aya 
bazm main un k sabhi kuch hai magar “Dag” nahin 
mujh ko vo khana-kharab aj bahut yad aya

lutf vo ishq main paye hain ki ji janta hai

Category: Uncategorized
lutf vo ishq main paye hain ki ji janta hai 
ranj bhi itne uthaye hain k ji janta hai 
jo zamane k sitam hain vo zamana jane 
tune dil itne dukhaye hain k ji janta hai 
tum nahin jante ab tak ye tumhare andaz 
vo mere dil main samaye hain ki ji janta hai 
inhin qadmon ne tumhare inhin qadmon ki qasam 
khak main itne milaye hain k ji janta hai 
dosti main teri darparda hamare dushman 
is qadar apne paraye hain k ji janta hai

na rava kahiye na saza kahiye kahiye kahiye mujhe bura kahiye

Category: Uncategorized
na rava kahiye na saza kahiye
kahiye kahiye mujhe bura kahiye
dil main rakhne ki bat hai gam-e-ishq
is ko hargiz na barmala kahiye
vo mujhe qatl kar k kahte hain
manta hi na tha ye kya kahiye
a gai ap ko masihai
marne valo ko marhaba kahiye
hosh urane lage raqibon k
“Dag” ko aur bevafa kahiye

na jao hal-e-dil-e-zar dekhte jao k ji na chahe to na char dekhte jao

Category: Uncategorized
na jao hal-e-dil-e-zar dekhte jao 
k ji na chahe to na char dekhte jao 
bahar-e-umr main bag-e-jahan k sair karo 
khila hua hai ye gulzar dekhte jao 
utho ankh na sharmao ye to mahfil hai 
gazab se janib-e-agayar dekhte jao 
hua hai kya abhi hangama abhi kuch hoga 
fugan main hashr k asar dekhte jao 
tumhari ankh mere dil se besabab-bevajah 
hui hai larane ko tayyar dekhte jao 
na jao band kye ankh raharavan-e-adam 
idhar-udhar bhi khabaradar dekhte jao 
koi na koi har ik sher main hai bat zarur 
janab-e-”Dag” k ashar dekhte jao

phire rah se vo yahan ate ate ajal meri rahi tu kahan ate ate

Category: Uncategorized
phire rah se vo yahan ate ate 
ajal meri rahi tu kahan ate ate 
mujhe yad karne se ye mudda tha 
nikal jaye dam hichakiyan ate ate 
kaleja mere munh ko ayega ik din 
yun hi lab pe ah-o-fugan ate ate 
natija na nikla thak sab payami 
vahan jate jate yahan ate ate 
nahin khel ai “Dag” yaron se kah do 
k ati hai urdu zuban ate ate

phir shab-e-gam ne mujhe shakl dikhai kyon kar

Category: Uncategorized
phir shab-e-gam ne mujhe shakl dikhai kyon kar
ye bala ghar se nikli hui ai kyon kar
tu ne ki gair se meri burai kyon kar
gar na thi dil main to lab par tere ai kyon kar
tum dilazar-o-sitamgar nahin main ne mana
man jayegi ise sari khudai kyon kar
aina dekh k vo kahne lage ap hi ap
aise achon ki kare koi burai kyon kar
kasrat-e-ranj-o-alam sun k ye ilzam mila
itne se dil main hai itnon ki samai kyon kar
dag kal tak to dua ap ki maqbul na thi
aj munh mangi murad ap ne pai kyon kar

parde parde main atab ache nahin

Category: Uncategorized
parde parde main atab ache nahin 
aise andaz-e-hijab ache nahin 
maykade main ho gaye chup-chap kyon 
aj kuch mast-e-sharab ache nahin 
ai falak kya hai zamane ki bisat 
dam-ba-dam k inqalab ache nahin 
bazm-e-vaiz be-sharan ache nahin 
aise jalase be-sharab ache nahin 
tauba kar len ham may-o-mashuq se 
be-maza hain ye savab ache nahin 
ik najumi “Dag” se kahta tha aj 
ap k din ai janab ache nahin

sitam hi karna jafa hi karna nigah-e-lutf kabhi na karna

Category: Uncategorized
sitam hi karna jafa hi karna nigah-e-lutf kabhi na karna 
tumhen qasam hai hamare sar ki hamare haq main kami na karna 
kahan ka ana kahan ka jana vo jante hi nahin ye rasmain 
vahan hai vade ki bhi ye surat kabhi to karna kabhi na karna 
hamari mayyat pe tum jo ana to char ansu baha k jana 
zara rahe pas-e-abaru bhi kahin hamari hansi na karna 
vo ik hamara tariq-e-ulfat ki dushmanon se bhi mil k chalna 
ye ek sheva tera sitamagar ki dost se dosti na karna
www.RomLom.com
www.shoaibonline.com