Waqat Ke Saanp Kha Gaye Us Ko – Na Koi Khawab Na Saheli Thi

 

Na Koi Khawab Na Saheli Thi
Is muhabbat mein main akeli thi
Ishq mein tum kaha k sachay thay
Jo aziyat thi maine jheli thi
Yaad Ab kuch nahi raha laykin
Aik dariya tha ya haveli thi
Us ne uljha k rakh diya dil ko
Wo mohabbat thi yaa paheli thi
Main zara c bhi kam wafa kerti
Us ne tu meri jaan le li thi
Waqat Ke Saanp Kha Gaye Us Ko
Mere angan mein aik chambeli thi
Is shab e gham mein kis ko batlao
Kitni roshan meri hatheli thi

Musalsal Rokti Hun Usko Shehar E Dil Mein Ane Se

Musalsal Rokti Hun Usko Shehar E Dil Mein Ane Se
Magar wo koh-Kun Rukta nahi diwar dhane se
Bhala kaya dukh k angan mein sulagti larkiyan jane
Kahin chuptay hein anso anchalo mein mun chupane se
Abhi tu fasal taza hai hamare harf o mayni ki
Abhi darte nahi hum mousamo k ane jane se
Abhi to ishq mein ankhain boji hein dil salamat hai
Zaminain banj hoti hein kabhi faslain jalane se?
Tuje tanha mohabbat ka ye dariya paar kerna hai
Nadamat hogi us k hoslo ko azmane se
Hamain kis zarf k kirdar k qisay sunata hai
Tuje ay shehar hum bhi jante hein ik zamane se
Tuje bhi zabte gham k shoq ne pathar bana dala
Tuje ay dil bohat roka tha rasm o rah nibhane se

Muj Ko Ruswa Sar e Bazar Na Kerwaya Keray

Muj Ko Ruswa Sar e Bazar Na Kerwaya Karay
Kaash anso meri ankhon mein he reh jaya karay
Ay hawa maine tu bas us ka pata pocha tha
Ab kahani tu na her baat ki ban kaya karay
Bas ab dekh liye khawab suhane din k
Ab wo bato ki rafaqat se na behlaya karay
Ik musebat tu nahi toti so ab is dil se
Jis musibat ne guzarna hai guzar jaya karay
Jis k khabo ko mein ankhon mein saja ker rakho
Us ki khushbo kabhi muj ko tu mehkaya karay

Mera Bachpan Mere Jugno Meri Guriya La Day

Koi Muj Ko Mera Bharpoor Sarapa La Day
Mere bazo meri ankhain mera chehra la day
Aysa dariya jo kisi our samander mein giray
Us se behtar hai k muj ko mera sehra la day
Kuch nahi chahtay tuj se ay meri umer e rawan
Mera Bachpan Mere Jugno Meri Guriya La Day
Jis ki ankhain muje andar se bhi perh sakti hun
Koi chehra to mere shehar mein aysa la day
Kasht e jaa tu bhanwar mein hai kai barso se
Ay Khuda ab tu dabo day ya kinara la day

Mohabtain Jab Shumar Kerna To Sazishain Bhi Shumar Kerna

Mohabtain Jab Shumar Kerna To Sazishain Bhi Shumar Kerna
Jo mere hisay mein i hein wo aziytain bhi shumar kerna
Jalay rakho gi sobho tak main tumhare rasto mein apni ankhain
Magar kahin zabat tot jaye to barishain bhi shumar kerna
Jo harf e loh wafa pay likhay hoye hein un ko bhi dekh lena
Jo raygaan ho gai hein wo saari ibadatain bhi shumar kerna
Ye sardiyo k udaas mousam ki dharkanain sard ho gai hein
Jab in ki yakh bastagi perakhna tamaztain bhi shumar kerna
Tum apni mujboriyun k qisay zaror likhna wazahto se
Jo meri ankho mein jhal bojhi hein wo khawhishain bhi shumar kerma

tera jub kabhi mujh say saamna ho ga

tera jub kabhi mujh say saamna ho ga
rub jaanay wo manzar bhi kiya manzar ho ga
qadam qadam pay sitaray jagmaga uttein gay
teray chaand say maathay pay bhi paseena ho ga
teri khusboo se meray dil o damagh mehak utthein gay
khushi kay maray teri aankhoun mein bhi paani ho ga
shaam dhaltay hi tou meray khayaaloun mein uttar aata hay
mujhay yaqeen hay tanhaai mein tou mujhi ko yaad karta hoga